ခြင်ထောင် အပိုင်း ၃

သူတို့၏ သားဖြစ်သူ တစ်နှစ်သားကလေးမှာ အဖေနှင့် အမေကို တစ်လှည့်စီကြည့်ရင်း ပြုံးရယ်နေသည်။ သူက လေးကတော့ ဘာမှ မသိရှာ။

ညရောက်တော့ မောင်စိုးမိုးသည် အိပ်ရာခင်း၊ ခေါင်းအုံး၊ စောင်ယူပြီး ခြေရင်းရှိ အခန်း လွတ်တစ်ခုသို့ သွား၍ အိပ်သည်။ ဇနီးဖြစ်သူကို မကျေ နပ်သည့် သဘောကိုပြသည့် အထိမ်းအမှတ် အနေနှင့် ဖြစ်သည်။ ညဦးပိုင်း စာဖတ်ပြီး မီးမှိတ်လိုက်သည့်တိုင် ရုတ်တရက် အိပ်မပျော်သော မောင်စိုးမိုးသည် နက်ဖြန်နံနက် အိမ်မှ ထွက်သွားတော့မည့် ဇနီး အကြောင်းကို အတွေး နယ်ချဲ့နေမိသည်။

သူ့မိန်းမသည် သဘော ကောင်းလေး ဖြစ်ပါသည်။ သည်နေ့မှ ဘာကြောင့် နှုတ်လှန် ထိုးရပါသနည်း။ သူတို့ အိမ်ထောင်ရေးသည် ကစား ကစားနှင့် တကယ် ပျက်ရတော့မည်။ မချောစု ဆိုသည်ကလည်း အေးအေးလေး နေတတ်ပေမယ့် စိတ်ကတော့ ကြီးသည်။ မနက်ဖြန်တွင် တကယ်သာ ဆင်းသွားဖြစ်လျှင် ဘယ်တော့မှ အိမ်ပေါ်ပြန်တက်မည် မဟုတ်ပေ။ ကြားထဲက သားကလေးသာ မိတကွဲ၊ ဖတကွဲ ဖြင့် မျက်စိသူငယ် ဖြစ်ရှာပေတော့မည်။ မောင်စိုးမိုး စဉ်းစား မင်းကြပ်ကြပ်ကြီး စဉ်းစားလိုက်စမ်း။ မင်းက လူကြီး။ တကယ်ဆို မင်းက အလျှော့ ပေးသင့်သည်။သို့သော် မောင်စိုးမိုးက လက်နက်ချ အလံဖြူ တင်လိုက်လျှင်လည်း နောက်နောင်များတွင် မချောစုက ရွှေရေးပန်းကန် တက်ဖြစ်လာတော့မည်။ နောက်ဆုံးတော့ လေပျော့လေးနှင့် ခေါ်ကြည့်သည်။

“ဟေ့ ချောစုရေ ချောစု”
တုံ့ပြန်သံ မကြားရ။ ငြိမ် သက်နေသည်။

“ချောစု အိပ်သွားပြီလား”
တုတ်တုတ်ကလေးမှ မလှုပ်။

သည်မျှပင် မာနကြီးသည့် ကောင်မ။ နေစမ်းပေ့စေဟု စိတ်ကို တင်းထားပြီး အိပ်တော့မည်ဟု မောင်စိုးမိုး ဆုံးဖြတ် လိုက်လေမှ သူ့ဘေးတွင် တ၀ီဝီဖြစ်နေသော ခြင်များကို သတိထားလိုက်မိသည်။ သည်တော့ မောင်စိုးမိုးသည် မှောင် ထဲမှာပင် ပြုံးလိုက်မိသေးသည်။
မကြာမီ၌ပင် မောင်စိုးမိုး အိပ်နေသော အခန်းထဲမှ ဖြန်းခနဲ ဘတ်ခနဲနှင့် ခြင်ရိုက်သံ၊ ခြင်ယမ်းသံ၊ ခြင်ဖိသံများ ဝေေ၀ ဆာဆာ ထွက်ပေါ်လာသည်။
တိတ်ဆိတ်နေသော အချိန်ဖြစ်၍ ခြင်ရိုက်သံသည် တော်တော်ကြီးပင် ကျယ်ကျယ်လောင်လောင် ပီပီသသ ကြီး ကြားနေရသည်။ သည် ကြားထဲတွင် မောင်စိုးမိုး၏ အသံကလည်း ထွက်၍ လာချေသေးသည်။၏

“တောက် ဒီခြင်တွေက လဲကွာ”

“ကဲ သေပေရော့ ကဲ”

“ဒီညတော့ အိပ်လို့ရမှာ မဟုတ်ပါဘူး”

“မနက်ကျရင်တော့ တစ်ကိုယ်လုံး ခြင်ဖုတွေချည်းပဲ နေတော့မှာကွာ။ ဒုက္ခပါပဲ”
မိနစ် နှစ်ဆယ်ခန့် ကြာသောအခါ မချောစု၏ အသံ ပေါ်လာသည်။ အသံက ခပ်မာမာ။
“ကဲ ခြင်ထောင်ထဲ လာအိပ်လေ”

သည်တစ်ခါ မောင်စိုးမိုး အလှည့်။ ဈေးကိုင်နေလိုက် ပြန်သည်။ ဘာမှ ပြန်၍ အဖြေ မပေးဘဲ နှုတ်ပိတ်၍သာ နေလိုက်သည်။ ခြင်ကို လက်ဝါး နှင့် ရိုက်သံများသာ ကြားနေ ရသည်။
တော်ကြာတော့ မချောစု၏ အသံက ထပ်မံ၍ ပေါ်လာ ပြန်သည်။ နည်းနည်း လေသံပျော့ လာသည်။
“အလကားနေရင်း ကိုယ့်ဒုက္ခကိုယ် ရှာမနေနဲ့။ ဘယ်လို လူမှန်းလည်း မသိဘူး။ ခြင်ထောင်ထဲကိုတော့ လာအိပ်တာ မဟုတ်ဘဲနဲ့”

မောင်စိုးမိုးက မှောင်ထဲတွင် ကျေကျေနပ်နပ်ကြီး ပြုံးရင်းခြင် မရှိသော သူ့လက်မောင်းပေါ်သို့ လက်ဝါးနှင့် ဖြန်းခနဲ ရိုက်လိုက် ပြန်သည်။
“ကဲ လာမှာဖြင့် မြန်မြန်လာ၊ မူမနေနဲ့။ ခေါ်ချင်လွန်း လို့များ မှတ်မနေနဲ့။ ခြင်ကိုက် အိပ်ရေးပျက်ရင် နေမကောင်း ဖြစ်မှာစိုးလို့”
မချောစု၏ အသံမှာ ငေါ့ဆတ်ဆတ်ဖြစ်သော်လည်း တမင် လုပ်ပြောနေရကြောင်းကို ဖုံးကွယ်၍ မရပေ။ မောင်စိုးမိုးကလည်း သွားချင်လွန်းလှပြီ ဖြစ်သည့်တိုင် ကလေးဆိုးကြီး အသံဖြင့်
“နေမကောင်းလဲ အနေသာကြီးပါကွာ။ မင်းနဲ့ငါ နက်ဖြန်ခါ ကစပြီး ဆိုင်ကြတော့မှာမှ မဟုတ်တာ”

“အစ်ကိုနော်။ ကဲမနေစမ်းနဲ့။ ကလေးကလားတွေ လုပ်မနေနဲ့။ လာအိပ်လှည့်”

နောက်ဆုံးတော့ မောင်စိုးမိုးသည် စောင်၊ ခေါင်းအုံး၊ အိပ်ရာ ခင်းများကို ပြန်၍ သယ်မပြီး သူတို့အိမ်၏ တစ်လုံးတည်းသော သုံးယောက်အိပ် ခြင်ထောင်ကြီးထဲသို့ ပြုံးစိပြုံးစိဖြင့် ၀င်ရောက်သွား လေတော့သည်။ ထိုအခါ အပြင်ဘက်တွင် ကျန်နေခဲ့သော ခြင်များသည် ညလုံးပေါက် သွေးစုပ်ပွဲသဘင်ကြီး မကျင်းပ လိုက်ရသောကြောင့် တ၀ီဝီနှင့် ဒေါသူပုန် ထနေကြလေသည်။

နောက်တစ်နေ့ နံနက်တွင် မချောစုသည် ဤအိမ်မှ ဆင်းသွားဖြစ်တော့မည် မဟုတ်ကြောင်းကို ခြင်ထောင်ကြီးထဲသို့ မောင်စိုးမိုး ၀င်သွားပြီး မကြာမီမှာပင် ပျံ့လွင့်လာသည့် ရယ်မောသံ ခိုးခိုးခစ်ခစ် ဟီးဟီးဟဲဟဲများက ပြောပြနေပါသည်။ ထိုအခါ မောင်စိုးမိုးသည် ခြင်ထောင်တစ်လုံး အပိုမရှိ၍သာ သူတို့ လင်မယား ပြတ်စဲလုဆဲဆဲ အန္တရာယ်မှ လွတ်လာရသည်ဟု အတွေးဝင်လာသည်။ ခြင်ထောင်တစ်လုံး အပိုဝယ် မထားမိခြင်းကိုပင် ၀မ်းသာနေမိ၏။

သို့ဖြင့် မောင်စိုးမိုးတို့ လင်မယားသည် ခြင်ထောင် အပို တစ်လုံး နောက်ထပ် ၀ယ်ချုပ်ရန် စိတ်ကူးထဲ၌ပင် ထည့်တော့မည် မဟုတ်၍ နောက်နောင်အခါများတွင် မောင်စိုးမိုး၏ နေအိမ်သို့ ညအိပ်တည်းခို ကြမည့် အပေါင်းအသင်း ဧည့်သည်များသည် ကိုယ့်ခြင်ထောင် ကိုယ်ယူလာ ကြရုံသာရှိပါတော့သတည်း။

မာန်မြင့်
မိုးဝေမဂ္ဂဇင်း၊ မေ၊ ၁၉၇၄