မေမေ ပျိုးသော ပန်းတစ်ပင် အပိုင်း ၃

“ဒီလို ထိုက်ထိုက်တန် တန် လုပ်ပါကွ”
ကုလားထိုင်လွတ် တစ်လုံး၌ အောင်ဘ ထိုင်သည်။

“မင်းတို့ ဘာတွေမှာ ထားကြလဲ”

“ဟိုဟာ ဒီဟာ ဘာညာ ကွိကွပေါ့ကွာ”

ဖိုးထောင်၏ အသံသည် ဖျော့တော့ ပါးလျလျက်ရှိ၏။
“ဟေ့ သူတို့ မှာထားတာတွေ အကုန်လုံး ရပ်ပစ်လိုက်တော့”

စားပွဲထိုးက ရိုသေစွာ ဦးညွတ်ပြသည်။
“ဖတ်စကလပ် တစ်ပွဲ လုပ်ကွာ။ တဲင်းန် ကို့စ်ပေါ့၊ ငါးမန်းတောင် ကြက်ကော်ရည်နဲ့ ၀က်ကလေး ကင်တော့ပါ ပေ့စေ။ သြော် ပွဲသိမ်း အချိုရည်က လိုက်ချီးစ်ဘူး ဖောက်ပေး၊ ဘူးနော်ဘူး။ ပေါင်းထားတဲ့ လိုကယ်တွေ ယူမလာခဲ့နဲ့”

ဟင်းလျာ ဆယ်မျိုးပါသော ပထမတန်းစား တစ်ဝိုင်းစာ မှာနေခြင်းဟု နားလည် လိုက်၏။ ဖန်ခွက်ကို သူ လှမ်းယူလိုက်သည်။ ၀ီစကီကောင်း တို့၏ အရည်အသွေး တစ်ရပ် ဖြစ်သော ချောမွေ့ ညက်ညောခြင်းကို လျှာဖြင့် ထိတွေ့ခံစား နေမိ၏။
“တို့ သူငယ်ချင်းတွေထဲမှာ မင်းတစ်ယောက်ပဲ ဆရာဝန် ဖြစ်တာကွ။ မင်းအတွက် ငါ သိပ်ဂုဏ်ယူတယ်”

ဦးစောညိန်း၏ ပွင့်ဦး သီချင်းကို ကြားယောင်မိသည်။ “လှောင်တာလေလား နော်ကွယ်” ဟူသော အပိုဒ် ကလေးကို ညည်းညူသံဖြင့် ရွတ်ဆိုချင်စိတ် ပေါ်လာ၏။ အောင်ဘ၏ မျက်နှာကို မလုံမလဲ ကြည့်မိ၏။ မျက်လုံးမှာ၊ လေသံမှာ လှောင်ပြောင်ရိပ်ကို မတွေ့ရ။ ချစ်ခင် လေးစားသော အကြည့်၊ လှိုက်လှဲသော အသံတို့ စေတနာမှန်ဖြင့် ပြောသော စကားဟု ယုံကြည်စိတ် ချကာ အနည်းငယ် နေသာ ထိုင်သာ ရှိသွားသည်။ ဇလုံထဲမှ ရေခဲကြီးကြီး တစ်တုံးကို ယူ၍ ဖန်ခွက်ထဲ ထည့်လိုက်၏။ ဖန်ခွက်ထဲတွင် ကျောက်ဆောင်နှင့် ရွှေဝါရောင် လှိုင်းဂယက်နှင့် လှပသော သမုဒ္ဒရာ တစ်စင်း ပေါ်ထွန်းသည်။ ဖိုးထောင်က အောင်ဘဘက်သို့ စောင်းငဲ့၍ တစ်စုံ တစ်ရာပြောသည်။ အောင်ဘ ကလည်း ပြန်ပြော၏။ မိမိနှင့် ဝေးလှမ်းလှသော ဘာသာ စကားများ ဖြစ်သဖြင့် ခပ်မ ဆိတ်နေလိုက်၏။

တိုယိုတာ ကိုရိုလာ ဒီအိတ်က်စ်၊အက်စ်အီး၊ စပရင်တာ၊ ဟိုက်လပ်၊ ပတ်ဘလစ်ကာ၊ နီဆန်းပရက်စတို၊ ဆန်နီ။ ဖူဂျီယာမာ နှင်းပွင့်တောင် ထိပ်သို့ သူရောက်သွား၏။ အရိုးခိုက်အောင် အေးမြသော လေက တဟူးဟူး တိုက်ခတ်နေသည်။ နံပါတ်အနက်၊ နံပါတ် အနီ၊ ယာယီ နံပါတ်၊ ပါမစ် ၀ယ်ခြင်း။
“ဟေ့ သင်းအောင်၊ မင်းလည်း တစ်စီးလောက် ဆွဲထားလိုက်ပါလား။ ကိုရိုလာ (ဈ)မျဉ်းဆွဲလောက် ဖြစ်ဖြစ်ပေါ့”

ဖိုးထောင်က ရုတ်တရက် သူ့ဘက်သို့ လှည့်ပြီး ပြော၏။ ရင်ထဲတွင် ပွန်းရှသွားသည်။
“မ၀ယ်နိုင်ပါဘူး သူငယ်ချင်းရာ၊ ကိုယ့်မှာ ဒီလောက် ငွေအင်အား မရှိပါဘူး”

အသံမှာ သေချာစွာ နားစိုက်ထောင်မှ ကြားနိုင်ရုံ ယဲ့ယဲ့လေး ဖြစ်သည်။
“ချိုမနေစမ်းပါနဲ့ကွာ။ ဂျီပီ လုပ်လို့ ရတဲ့ ပိုက်ဆံတွေ ဘယ်သွားထားမှာလဲ”

စားပွဲ အံဆွဲ အတွင်းသို့ ကျဆင်းလာသည့် စိုထိုင်း၍ ငါးညှီ နံ့သင်းသော ကျပ်တန် နွမ်းနွမ်းလေးများ၊ စားပွဲပေါ် တင်ထားသည့် နွားနို့ တစ်ပုလင်း၊ ကြက်ဥငါးလုံး၊ ကောက် ညှင်းဆန်တစ်ပြည်။ ဘောဂ၀တီ မြစ်ကမ်းနံဘေးမှ ဆေးခန်းလေး အတွင်းသို့ သူပြန်လည် ရောက်ရှိသွား သည်။
“ကိုယ့်လူနာတွေက ဆင်းရဲကြပါတယ်ကွာ”

ဇလုံထဲမှ ရေခဲသေးသေးလေး တစ်တုံးကို ယူ၍ ဖန်ခွက်ထဲ ထည့်လိုက်၏။ စကား ပြတ်သွားကြသည်။ ဆိတ်ငြိမ်မှုသည် ပွင့်ဖတ်နွမ်းလျသော ပန်းတစ်ခြင်းကို သယ်ဆောင်လာပြီး သူတို့ သုံးဦး အပေါ်သို့ ဖြည်းညင်းစွာ ကျဲဖြန့်ပေးလျက် ရှိ၏။

“မင်းက အလုပ်မလုပ် တတ်ဘူး ထင်ပါရဲ့ကွာ”
အားမလို အားမရအသံ ဖြင့် အောင်ဘက ပြော၏။ အေဂျေကရိုနင်၏ ယုဒ သစ်ပင် ၀တ္ထုထဲမှ စည်းစိမ် အဆိပ်သင့် ရှာသူ ဆရာဝန် ဒေးဗစ်မိုရေး၏ ကြေကွဲဖွယ် ဘ၀နိဂုံးကို သတိရမိသဖြင့် ကျောရိုး တစ်လျှောက် စိမ့်သွားသည်။

မိုးခါးရေ သောက်ရန် အတွက် ဟစ်ပိုကရေးတီး၏ ကတိသစ္စာကို ချိုးဖောက်ဝံ့ပါရဲ့လား။ မိမိလျှောက်လာရာ လမ်းလေးကို ပြန်လှည့်ကြည့်မိ၏။ ဆင်းရဲ ငြိုငြင်၍ ခရီးမတွင် သော်ငြားလည်း ဤလမ်းလေးတွင် တစ်ကိုယ်ကောင်းဆန်မှု၊ ကျင်းချိုင့်များ မရှိ။ ချစ်ခင်မှု သစ်ပင်တို့၏ အရိပ်များ ရှိ၏။ ကောက်ကျစ် စဉ်းလဲမှု ထောင် ချောက်များလည်း မရှိ။ ကြင်နာမှု ကျေးငှက်တို့၏ တေးသံ ချိုချိုရှိ၏။ ရောင့်ရဲ တင်းတိမ်မှု ရေချမ်းစင်ကလေး ရှိ၏။ ထို့ပြင် လိပ်ပြာ သန့်သူတို့သာ မြင်တွေ့ ခွင့်ရသော တောင်စဉ် တောင်တန်းများလည်း ရှိလေသည်။

စိတ်နှလုံး အေးမြငြိမ်းချမ်း စေသည်မို့ ဤလျှောက်လက်စ လမ်းကလေးမှာပင် ဆက်လက် လျှောက်လှမ်းရန် ဆုံးဖြတ်လိုက်သည်။
ကြက်သား၊ မျှစ်ဆိမ့်ကြော် ပန်းကန်ပေါ်သို့ ၀ဲသွားသော ဖိုးထောင်၏ လက်ထဲမှ တူနှစ်ချောင်းကို ငေးကြည့် နေမိ၏။ ငယ်စဉ် ကလေး ဘ၀က ကြည်နူးဖွယ်ရာ အဖြစ်အပျက်များကို လွမ်းမော တသစွာ ပြန်ပြောနေမိကြ၏။ ထို့နောက် စကားပြတ်သွား၏။ ဖိုးထောင် မျက်နှာ အောင်ဘဘက်သို့ လှည့်သွားပြန်သည်။ မြေကွက် အရောင်းအ၀ယ် ကိစ္စကို ဖိုးထောင်က စကားစ၏။ အောင်ဘနှင့် အချီအချ ပြောနေကြ သည်။ မိမိနှင့် ဝေးလှမ်းလှသော စကား တစ်ရပ်ကို ထပ်မံ၍ ကြားရပြန်ပြီ ဖြစ်၏။ သူ ခပ်မ ဆိတ်နေရပြန်သည်။